Rydym yn cyhoeddi cytundebau tenantiaeth newydd i bob deiliad llain rhandir ym mis Awst 2026.
Byddwn yn anfon cytundeb Docusign atoch ar gyfer pob llain sydd gennych. Rhaid i chi lofnodi a dychwelyd hwn atom ar-lein.
Dychwelwch eich cytundeb atom erbyn 30 Medi 2026. Bydd hyn yn helpu i wneud yn siŵr eich bod chi’n cadw eich llain.
Os nad ydych eto wedi talu eich anfoneb rhandir ar gyfer 2026, ni chewch eich gwahodd yn awtomatig i adnewyddu’r denantiaeth ar gyfer y plot.
Ewch i wefan Docusign i gael gwybodaeth am lofnodi dogfennau.
Byddwn yn gwneud trefniadau eraill gyda deiliaid lleiniau nad ydynt yn defnyddio e-bost na ffôn clyfar.
Tenantiaid ar y cyd
Byddwn yn anfon cytundeb at bob cyd-denant ar e-bost. Unwaith y bydd y tenant cyntaf wedi llofnodi a dychwelyd y cytundeb, bydd y tenant nesaf yn derbyn cytundeb yn awtomatig.
Bydd y broses hon hefyd yn berthnasol i denantiaid ar y cyd sy’n rhannu’r un cyfeiriad e-bost.
Blaendaliadau
O 2 Chwefror 2027, rhaid i bob deiliad llain dalu blaendal o £5 y perc (Er enghraifft, bydd plot 5 perc yn £25).
Bydd hyn:
- yn cael ei ychwanegu at yr anfoneb flynyddol y byddwn yn ei hanfon atoch ym mis Rhagfyr 2026, ac
- yn cael ei ddychwelyd ar ddiwedd eich tenantiaeth, ar yr amod bod eich llain yn cael ei gynnal yn unol ag amodau’r denantiaeth.