Mae tyfu bwyd yn lleol yn un ffordd y gallwn ni i gyd helpu i leihau ein hôl troed carbon – does dim gwell na blasu cynnyrch ffres, yn enwedig os ydych chi wedi’i dyfu eich hun! Mae cadw rhandir yn ffordd wych o gadw’n heini, mwynhau’r awyr iach, gwneud ffrindiau a thyfu eich hoff ffrwythau a llysiau eich hun. Os oes gennych chi le, gallwch chi hyd yn oed dyfu blodau i’w torri!
Gweler lleoliadau rhandiroedd ar fap.
Lawrlwythwch ein Canllaw i Randiroedd Caerdydd (PDF)
Cymerwch ran yn ein harolwg llwyddiant neu fethiant cnydau.
Mae’n rhaid i chi fod yn breswylydd Caerdydd i wneud cais am lain mewn un o’n 28 o safleoedd rhandir a gallwch chi gofrestru am uchafswm o 2 safle.
Mae rhaid i chi fod ar y rhestr aros i gael cynnig llain.
Mae rhandiroedd yn boblogaidd iawn ond mae rhestrau aros yn amrywio o safle i safle. Os yw nifer y bobl ar restr aros yn fwy na hanner y lleiniau sydd ar gael ar y safle, rydym yn cau’r rhestr aros nes bod y rhestr yn gostwng.
Mae rhandiroedd yn amrywio o ran maint a chost. Bydd cynrychiolydd y safle yn rhoi gwybod i chi am yr opsiynau ar ôl i chi gael eich gwahodd i weld y safle.
O 29 Ebrill 2024, rydym wedi cau rhestr aros pob safle rhandir wrth i ni ddiweddaru ein meddalwedd rheoli data.
Ein nod yw ailagor y rhestrau aros ddiwedd mis Hydref 2024.
Bydd y polisi preifatrwydd hwn yn esbonio sut mae’r Gwasanaethau Parciau yn defnyddio’r data personol a gasglwn gennych pan fyddwch yn rhoi eich manylion mewn perthynas â rhandiroedd.
Ydych chi’n gymdeithas ac nid ydych wedi’ch rhestru yma? Os felly, cysylltwch â ni fel y gallwn eich ychwanegu.
Os hoffech gael eich tynnu oddi ar y rhestr aros, anfonwch e-bost i AllotmentWaitingList@caerdydd.gov.uk
Os hoffech ildio eich llain, cysylltwch â chynrychiolydd eich safle.
Mae carpedi, teiars, ffenestri a drysau PVC, dalenni asbestos a gwastraff y cartref yn eitemau cyfyngedig ac ni ddylid eu cludo ar unrhyw safleoedd rhandir. Gallwch gael gwared ar yr eitemau hyn mewn canolfan ailgylchu.
Helpwch ni i ddeall sut mae eich plot yn perfformio, pa gnydau oedd yn llwyddiant a pha rai a fethodd.
Gall newid yn yr hinsawdd gael effaith sylweddol ar arddio rhandir, a methiannau tyfu cnydau yn cael eu dylanwadu gan ffactorau amrywiol sy’n gysylltiedig â hyn. Diben yr arolwg hwn yw dogfennu dylanwad parhaus newid yn yr hinsawdd, amodau tyfu, a chynnydd cyffredinol o ran garddio rhandir. Yn ei dro, bydd hyn yn helpu i wella ein dealltwriaeth o ddylanwad newid yn yr hinsawdd ar gnydau ein deiliad rhandiroedd.
Er mwyn i’r cyngor allu dadansoddi’r canlyniadau’n effeithiol, cwblhewch yr arolwg erbyn 31/12/2024 a bydd hyn yn gadael cyfnod o 12 mis i ystyried eich ymateb.
