Mae’r llyn mawr wedi’i amgylchynu gan lwybr llwch cerrig a gallwch hefyd gerdded ar ei draws trwy’r llwybr pren. Mae’n boblogaidd gyda gwylwyr adar a physgotwyr. Ymhlith yr adar mwy cyffredin, gallwch weld Glas y Dorlan, Hwyaden Gopog, y Fulfran, Gwyach Fawr Gopog a mwy ar y llyn.
Plannwyd yr ardal hon o’r parc â choed dros 20 mlynedd yn ôl pan grëwyd y parc gyntaf. Ar wahân i hyn mae nifer o goedlannau o amgylch ochr ddeheuol y llyn. Plannwyd y coedlannau hyn gan grwpiau teuluol o wahanol genedlaethau o’r ardal leol, Tredelerch yn bennaf, fel etifeddiaeth deuluol.
Pan sefydlwyd y llyn gyntaf, roedd yr ardal o amgylch y llyn wedi’i orchuddio â phridd clai trwm. Oherwydd hyn, mae’n cadw dŵr ac wedi cael ei orchuddio â glaswellt cors hunan-hau. Mae’n cynnig cynefin i Deloriaid y Gors a Breision ymhlith adar eraill a mamaliaid bach. Mae yna hefyd sawl poblogaeth o degeirianau gwyllt yn ardal y gwlyptir.
Dargyfeiriwyd y darn hwn o afon Rhymni pan adeiladwyd y drosffordd. Mae’r gorlifdir cyfagos yn cael llifogydd o bryd i’w gilydd. Mae hwn yn enghraifft wych o gynefin aber, system arfordirol unigryw lle mae dŵr croyw o’r afon yn cwrdd â dŵr hallt o’r môr. Mae’r rhan hon o’r parc yn cael ei rheoli gan Cyfoeth Naturiol Cymru.
